sabato 19 novembre 2011

SABÒRISI ANTÌGUSU IN RIMA




Ita si pàppada in famìllia ?
Ũ bellu prattu de antìllia.
A ca pòttada fortũa
dinãi meda a dònnia fin’e lũa.
No ammàncada su ghisau
impari a pãi affittau.
Òusu cũ chibudda
e isbudiasa s’ampudda.
Pischi frittu manĩu
e ũ antra tassa ‘e bĩu.
Sa minestra cũ tammatigasa esti saboria,
chi no ndi pappu ũ prattu ndi  fatzu ũa mabadia.
Su pedrinzãu a bànnia no dd’arrossu mai
esti troppu bellu a ‘ndi pappai.
I drùcchisi cũ su luccori
'ndi pìganta su mallumori.
Sa crannatza ‘e Arriora esti bella a buffai
ma esti perigulosu po no s’imbriagai.
A tòttusu salludàusu
e bõu appetitu auguràusu.

(di B. Sulas e G. Linzas)

2 commenti: